-->成個月冇打日記,中線真係好"拿"忙

尋日係04/08期既師兄師姊POP既大日子,一哥都黎左

佢地走左之就要等8月尾先有一班細線入黎

當初仲係細線既我地估唔到咁快就升左上去大線,阿sir仲開始同我地傾pop去邊度食點安排

忽然開始有d唔捨得呢一度,我諗我一定會掛住岑咩同埋蔡哥,真係要密密返去同佢兩位老人家燒野食先得勒

-->學野方面實在太多勒,多到講唔晒,所以下刪一千字

最搞笑係有次早晨六點起身刷牙諗住去跑步,點知第二班個師兄走上黎話大草地出現野豬所以封左

仲要有兩隻咁話....多得佢兩公婆我又有覺好訓,哈哈,希望佢冇俾d靶場阿sir"啡"低啦

仲有就係豬流感事件,最後証實冇事,唔駛再戴口罩lu,學院真係停課就大件事

-->趕住返學堂,就此停筆

--->咁又半個月勒,仲有三個月度咋

黎緊我做班長,希望平平安安唔好 hi 野啦

班入面既朋友唔該你地唔好再掛住媾女,諗清楚你入黎學堂係做乜野

唔做好自己唔係問題,唔該唔好陀衰家

你唔珍惜,大把人爭住要你個位

ps唔好諗住我會手鬆放你地水呀,衰係我手上,我第一個交你出黎掹鐵枝呀!!

-->聽日開始要做"閘差"喇,哈哈

--->端午節有得返屋企真係好

有幾可可以響屋企訓到黃朝白晏,屈原死得真係好    (多多得罪)

--->今個禮拜升左做中線喇,六個月入面最忙就係呢兩個月

上個禮拜五測完個社會學,今個禮拜一就測警例

禮拜二又考體能,聽日要考心理學,下個禮拜又考體能

過五關斬六將呀真係,快d升大線啦唔該,哈哈

--->星期一有班細線入左黎,睇見佢地就好似自己最初入黎咁咩都唔識

有日落樓下集隊仲見到暈左一兩件響地下

加油呀師弟妹,慣左就冇野架喇

記住要能人所不能

Happy mother's day

老媽子係我最愛既女人

--->呢輪仲忙過之前,不過捱得住既!

因為我係黎自精靈班架嘛

--->過兩日要present 俾我地個老闆睇

見到大sir咁緊張搞到我都緊張埋一份,話晒小弟咁多年黎都係將d project 塞晒俾人地做

所以響呢方面既經驗絕對係處男級別

依家終於惡有惡報喇

--->晨早留留爬起身同媽子老豆成家人去左飲茶

都幾年冇正正式式飲過,次次都係快快手手食完自己走先

入到學堂地獄線先知屋企人對自己真係無微不至

有次返到學堂,打開個袋見到老媽子原來塞左包藥俾我呢,真係

--->岩岩上網睇下d師兄passing out d片,無意中發現左我aci張相

哈哈,原來蔡sir著起套禮服都靚仔

我都要向住926努力

--->過多兩個禮拜就轉牌仔上中線

5月22好似又有一班小兄弟妹入黎,一陣俾佢地操得仲齊過我地班就真係樣衰死

10!你要加油呀